Post by Nic Casálmac'h on Apr 1, 2007 8:56:32 GMT -6
“El Tîmp Tent Venescù…” Môi
TANDI QË quând la vidâ zevient borînd és bart, el tîmp va pr’iens cînxh,
TANDI QË tál ünâ cambiaziun isch bastánt fáþil és pü që poûçivál aireçar,
TANDI QË váintsch-vuit års isch trô lung për iñen cosâ remáinar el mismeu, és
TANDI QË în acest tîmp qët anáintsch füt cumpetêns declina à estéir tzïep,
PËR ACEASTÂ RAZIUN qët nomineva trâns toct acests års el Regipäts Talossan,
Serà nun és daincêts estarë vetüst come el Estat d’Anarc’hïa.
À staziuns së schlac’ht! Preparetz për la metamorfaziun! preparat Kafka?
TANDI QË tiraziun üna resoluziun sembla valar noi resolvarhent qualse’cosâ,
TANDI QË noi non volent resolvar på qualse’cosâ qualsevol non povent oscillar,
TANDI QË cün els cînxhs altreux ün num noveu sembla ben és apropriäts,
TANDI QË isch ocså ben tirë la variaziun svo að ça non serà enuxhînd,
PËR ACEASTÂ RAZIUN ça serent nominats Lorês, Buclats és Môis.
TANDI QË “Azul” isch ün salôid së tál curzirciteu és notsch duftatïu,
TANDI QË fostadra estarë pü që ün singúl për toct cumprencar,
PËR ACEASTÂ RAZIUN serà ün salôid noveu és uficiál për toct säparë,
És serà “Ben Morgun astrâ brenînd, la tzarâ zïa bunâ ziuâ!”
TANDI QË fostadra estarë ün remplaçînd për el Zog, el salüt uficiál,
TANDI QË el vell isch nun ausoláiteu, ûnfáþil façarë, és trô seltsam,
PËR ACEASTÂ RAZIUN noi perventürâ cumißiunent ün salüt noveu:
bombar upp, atzariçar în la ‘en guarde’ posiziun, és zirarë “Ni!”
TANDI QË el slogán naziunál füt “Meichen Huone on Hänen Valtakunta”
TANDI QË acest isch så ausoláiteu non pü deserva iñensortâ da caprarïa,
TANDI QË ün slogán cuntent el moct “regipäts” tent aucün pläts careu,
TANDI QË el Estat s’Anarc’hïa demanda ün remplaçînd serà sütavál aici,
PËR ACEASTÂ RAZIUN el slogán isch “La Glhimbâ Së Vürs isch Sverðeu
És acest els citaxhiêns fossent auscultar, aprendar és säparë.
TANDI QË “Taco Bell” isch aucün sütavál pläts spistar în tál ün ageu moderneu,
TANDI QË üna formâ nouâ së vidâ înschì anáintsch bentôpt ischà àl modâ,
TANDI QË acests basarhent på silicôn, qualsevol isch poûçivál în siensiâ,
TANDI QË silicôn isch üna întenescù în electronics és estracar isch poûçivál,
PËR ACEASTÂ RAZIUN la voratrinâ daincêts serà “Radio Shack,”
Qissen existaziun nuncâ sofriadrent üna mancançâ.
TANDI QË xhúar zuerietâs isch trô seriös és tîmp-gaspiglhar ün svag naziunál,
TANDI QË noastra svag fostadra estarë qualse’cosâ façarë à iñen tîmp,
TANDI QË zespitzi noschtri ziferençùns sînt las cosâs tienent în xhointeu,
TANDI QË embù els fäctsilor és el säp sostienent acest (eu non ludicréu),
PËR ACEASTÂ RAZIUN el svag naziunál serà el scambiaziun së cauçetâs,
Façarë com'evri desiretz, siat cuspiciösmînt eda ladínmînt.
TANDI QË noastra ërxhënt curîndhas tent estescù basat ërxhënt dür da cervieþâ,
TANDI QË în l'apiarançùit isch sovînt la surçâ embù da la coinonïa és la ligrïa,
TANDI QË à fäts isch cuntenescù el alcoþôl, që isch afectat dischtêpt së si,
TANDI QË isch ün boiçál altreu és miglhôr serà afectat voi à diviárseu vïa,
TANDI QË non fostadra estarë cuntirë el alcoþôl, la sücrâ, eda iñen chemicáls,
TANDI QË àl cuntrár fostadra estarë cuntirë las înteneschti sînt natüráls,
PËR ACEASTÂ RAZIUN ërxhënt dür serà el boiçál së Jeeves,
Ün mixtür zesegñheva exårar tú geþírn és atxuteva voi pensar.
TANDI QË për si server come ün Prominé fost estarë tent plürs capacitàs,
TANDI QË Gloria Estefan mostra solamînt tres capacitàs pü eda mïus,
TANDI QË el þümoûr isch—come fost estarë—toctziuâ és toct i pläts versatzíl,
TANDI QË la ridaziun isch ben, és el þümoûr isch echidâ qët la vidâ isch över,
TANDI QË “Tres serà el númerul tú comptarhás, és el númerul da la
comptaziun serà tres. Qator tú non comptarhás, ni comptarhás tú douâ, salva që tú aglhôrc procedarhás à tres. Simcâ isch anoviárs.”
PËR ACEASTÂ RAZIUN els Tres Schifreus sînt repaxhats come els Prominéns,
És os—non solâmînt toct els citaxhiêns—serent els bunafaçats.
TANDI QË noi se tigñhovent considerat toctziuâ tirë ün þeritátx Taloçáit,
TANDI QË acests Taloçáits tigñhovent estescù zisternar trâns el mundeu,
TANDI QË lor existaziun isch duftatïu, és estadrent complätsmînt imaxhinár,
TANDI QË si që säpent estarë zisternar trâns el mundeu sînt els rebels,
TANDI QË acests rebels tenadrent esteschti cunfundats cün els Taloçáits,
PËR ACEASTÂ RAZIUN noi zesclarent el noastra þeritátx cün els rebels,
Com’acest adelmás os tigñhovent combatat,
Els noschtri bandiéirs tigñhovent süravôirat,
Sînt els noschtri anceisoûrs, el noschtri ereus,
Com’acest noi sovenênçarhent acest toctzuiâ.
TANDI QË noi povent poûçivál bunafiçar da tiraziun üna þistôriâ praixhúdiçâ,
TANDI QË toct la þistôriâ recordaziun sofria da aceastâ éivâs, comprís el înalt,
TANDI QË isch apetivál që aceastâ éivâs isch esvitat schi sînt üna escasençâ,
TANDI QË aceptar tál ün glhibreu estadra estescù initziatar ün progreçéu grült,
PËR ACEASTÂ RAZIUN aprendar noastra þistôriâ aglhôrc liretz “El Schloßeu”,
Más schi liraziun acest isch që consideretz estarë ün pestéiraziun,
Aglhôrc isch ün glhibreu da grült fáþilità în liraziun és isch paßïu
Estadretz supstitats anstadâ; acest glhibreu isch “La Sidâ Procul”.
TANDI QË el útzil da negreu és biançéu isch ausoláiteu, és belonga àl paßescù,
TANDI QË el útzil da roxh és vîrt isch non miglhôr és el mismeu dal lasteu,
TANDI QË tondavôn që douâ-cînt-siméinçe-sex coloûrs nun considerent pocs,
TANDI QË come noi pogñhevent considerar el útzil da solamînt douâ?
PËR ACEASTÂ RAZIUN noi zesclarent që toct serà în tréinçe-douâ bit colour,
Që neviens pensarha që noi sînt ospréi noastra tîmp în vigoûr.
TANDI QË el roxh és vîrt Bicoloreu se presentar për që isch relevînt iñen mhôr,
TANDI QË aceastas cosâs belongent à las las ziuâs da dîn dTîmps paßats,
TANDI QË isch ün rascátz da ün împeratôr qi compreva els riegadìns noveus,
TANDI QË toct säpent exampál da lo és noi povent aprendar muiteu da lo,
PËR ACEASTÂ RAZIUN noi zesclarent ün drapéu noveu, që isch mostrat sub,
És si qi non vident ça non sînt deneus és nun fossent zespartar.
TANDI QË la anþem uficiál füt “Chirluschâ àl Glheþ”, qualsevol isch trô seriös,
TANDI QË ça ocså deserva ün cînxh estarë în üntrac’ht cün toct d’altër,
PËR ACEASTÂ RAZIUN, la anþem uficiál nun serà “Rida és Scherna.”
Rida és Scherna
Sesta là, ridetz
Á tú glheþ Talossán.
Txamáis praitença
Da negar tú drept smaidar!
És ca’scù ziuâ,
Ár propreu “Ni” parlar;
Sovenenç’ la tzarâ,
Acratéu c'è ben d'estarë!
Va, extendarha
Anarc’hïa së divertà,
és grültiçarha
Ár calucjeu noziuns!
El glheþ del moct “Ni”,
Aprenda, parla, scriitzi;
Aglhôrc voi se nominetz
Els ardíts “Cnec’hts da Ni”
Noi sînt els schurúls
Da ár noveu glheþ cortéis--
Afletz ideas estrágñhs
és extenda trâns mundeu!
Oxhi sonora
’n pliadâ antaloûr:
“¡Crid’ cadascù þorâ
Që eu sînt Calucjeu!”
TANDI QË nun tienent pü da înformaziun és üna façiun nouâ da pensar,
TANDI QË noi säpent nun që noi anáintsch guardevent üna cresençâ stäts,
TANDI QË noi volent noschtri cresençâs toctziuâ estarë drept és vräts,
TANDI QË noi travalarhent leiðrestar toct la falsità n’împorta come minì,
PËR ACEASTÂ RAZIUN estadra säpescù în xhenerál el mundeu secedeva,
És în particulár els Estats Viensiçeschti d’Americâ secedeva.
TANDI QË în ün Estat s’Anarc’hïa isch non pü ün fost për iñensortâ da regeu,
TANDI QË el cün la titlâ “Regeu” non fost tirë el scurzniátx da els devéirs,
PËR ACEASTÂ RAZIUN nun serà non pü estarë si qi toctziuâ dûciarha,
Más apoartarha upp el ariéir, sânc iñen plán previös da thoct.
TANDI QË el priväts non isch verscháin—fortáßis ûnpoûçivál—bunafiçar toct,
TANDI QË ün fost për els aventüriéirs sembla indicatar ün calleu înalt és novál,
TANDI QË aceastas cosâs non povent estarë så auschiglhapúnt që y cosâs grült,
TANDI QË la cosâ ausolümînt la pü valút isch acest që asigüra üns rîds så mült,
PËR ACEASTÂ RAZIUN els Aventüriéirs Privätsilor qi uveidievent el legeu,
Nun—în el devéir altreu—serent nominats els calucjeux püblìci.
TANDI QË fost toctzuiâ estarë qët noi nominadrent üna canziun uficiál,
TANDI QË aceastas noi nominent nun aceastâ titlâ sînt în notsch necorré,
TANDI QË neviens nun cuntzina las canziuns “Ein Feierlichgesang” és “Tusk”,
TANDI QË aceastas non pü deservent ün pläts, cáir lor tîmp tigñhova ultimat,
PËR ACEASTÂ RAZIUN noi perventürâ zesclarent las aceastas canziuns uficiál,
Viens: acest gloriös és iterneu, “La Canziun Që Nunca Termina”;
Douâ: “La Canziun Që Toct I Tzarâ Esolëscha”, non irecordavál,
És toct säperent, úçarhent és cüritarhent aceastas, schi sînt capavál.
TANDI QË el númerul da noschtri citaxhiêns adüc füt—és isch—soleu aliquînds,
TANDI QË isch apetivál që noi becoment com’evri poûçivál à más els citaxhiêns
PËR ACEASTÂ RAZIUN noi úçarhent aceastâ înventziun isch nominat “EBay”
Listar à vhînd las citaxhienitàs, så plürs që noi praticálmînt povent.
TANDI QË noschtri politicâs da înmigraziun tigñhovent neceßat reformaziun,
TANDI QË fost estarë embù üna sençù da säpençéu és üna sençù da rümâ,
PËR ACEASTÂ RAZIUN la meþodâ nouâ és miglhôr da înmigraziun serà
Që noschtri citaxhiêns noveus rëspúnsarhent tres fragas,
Avînt els benefiteus undervárs da citaxhienità os vident:
1. “Qët…isch tú num?”
2. “Qët…isch tú reçerçâ?”
3. Për el corentic ministreu da înmigraziun zesterminar.
TANDI QË ün früstüglh da el poßeçál în el estat da Visconçâ
isch så mült trô titeu që non pogñheva ceafar noi toct,
TANDI QË la Mircoûr isch del sol trô proximâ, qualsevol non isch divertà,
TANDI QË la Vinereâ isch trô britxînd és ûnsütavál és ocså propi enuxhînd,
TANDI QË el Mars isch trô extrêm caldeu és ça resembla ün pint titeu,
TANDI QË el Xhüpistár tent trô da maß és ivën pü trô da gäs,
TANDI QË el Saturn isch façat da ünas cosâs strôinschâs és tent els anéls,
TANDI QË el Neptün isch ün coloûr amaçînd da bléu és pirantüm shockînd.
TANDI QË el Üranüs vienarë del moct “çéu” és isch ascunçat da el uglh nü,
TANDI QË el existaziun del Pluto come üna eraticâ non pü agrea cün la siensiâ,
TANDI QË la Tzarâ isch non pü come ça füt avînt és nun enuxha másmînt
PËR ACEASTÂ RAZIUN zespäts isch ün pläts seltsam, noi movent à Camelot,
Për seltsamità valeva ûncupaválità, da qualsevol non isch avuôndeu.
TANDI QË toct és variösen ausolümînt nuncâ fossent votar për ün regeu,
TANDI QË tenadra estescù üna cosâ rídischlops, ausîrd és farstadoûr,
PËR ACEASTÂ RAZIUN üna xhù da “Texas Hold ‘Em” zecidarha la resultà,
És non pü, ni mïus, që nouéinçe és simcâ Bens ris'charhent,
(Toct els mîmbreus del Cült Müsteriös és Executïu xhúarhent),
El gagñhéir da la xhù serà permitat castar el münts
Las fuglâs: el dûceu del PRPM; els cäpsilor: atentetz ‘n altreu fäts.
TANDI QË så mült naziuns tienent ün prüm ministreu és tenadra nil façarë,
TANDI QË povadra schi tenadra embù ün num és ün ert që füt noveus,
TANDI QË în üna anarc’hïa non pogñheva zesclarar solamînt ün prüm diktat,
TANDI QË fost estarë për o üna clamadâ nouâ és grült, schi sustinadra,
PËR ACEASTÂ RAZIUN üna titlâ nouâ és els devéirs grülts, qualsevol lo fäts
El Victì Posterioûr és zesclararha las Prüms Custùs Entracuôsts.
TANDI QË serent så plürs els mîmbreus da la Cosâ që raziunavál
TANDI QË fost estarë qualse’cosâ që façarë si ziscriminataziun,
PËR ACEASTÂ RAZIUN fost tirë ün num så lung és întzereçînd që poûçivál.
TANDI QË për la perdaziun del num da la Cosâ non ün singúl tenadra plörat,
PËR ACEASTÂ RAZIUN serà säpescù à toct come el Trücribcosâfürlücinanità.
TANDI QË d’apostà el númerul dels dvergoûrs és da las provînçùs sînt seifet,
TANDI QË isch conveniençéu tire ün num à nominar ün Senatôr,
PËR ACEASTÂ RAZIUN els Senatôrs cadascù és toct serent nominats ün num
Corëspúnsaziun à provînçù, és el mismeu del num del dvergoûr:
Înxhegñhôl—Maricopa
Cruzitînd—Ataturk
Doc—Florencia
Feliceu—Cezembre
Somnös—Maritiimi-Maxhestic
Snizaziun—Vuode
Timit—Mussolini
TANDI QË la telaragñhâ isch säpescù come la surçâ miglhôr për la avertiçaziun,
TANDI QË isch toctzuiâ tîmp quairar à las îportunitàs nouâs da c’horsicâ,
TANDI QË ünas tec’hnoloxhàs sînt developadâs dürånt els års îmbráif chirchent,
TANDI QË adüc à els vejs anciînts da el natür ça non txamáis proxim viennent,
PËR ACEASTÂ RAZIUN noi cumißiunent las aragñhâs chentenáirsen
Façarë üna telaragñhâ da tál destreçâ cumpläts és contort
Që noi non cuntzinent da thoct schi estarë schpéit.
TANDI QË non fost estarë üna preferençù à ün pärts del corputz súper ‘n altreu,
TANDI QË els brätsilor për certán non sînt el pärts empitschar ni façarë taravást,
TANDI QË els colêtschti non sînt aceßivál à toct és pu që ün früstüglh scoléir
TANDI QË zespäts isch poûçivál rectifar aceastâ situaziun, ça fost estarë nun,
PËR ACEASTÂ RAZIUN el Colêtx d’Armeux rinominat el Nursarái da Tavsálts,
Servar el Estat d’Anarc’hïa cün respectù grült és griußaziun.
TANDI QË els abíts sînt grotzs és sütavál în el þivereu és els climätsilor freds,
TANDI QË noi fossent tirë els cospertoûrs apoartar cunfîrtaválmînt toctzuiâ,
PËR ACEASTÂ RAZIUN el nun Nursarái da Tavsálts emestarha
Els camisâs-Ts da Tavsálts, qualsevol apoartarha
Så mült që praticál és els tîmps altreus ocså.
TANDI QË el Legeu Orgänic füt el legeu principál da noastra naziun,
TANDI QË toct cosâs orgänic fost à c’hauçâ da natür îmbráif ultimar,
TANDI QË acest Legeu Orgänic non pü încorpora acests prîncipáls careus,
TANDI QË fost estarë ün substitüt për acest legeu, qualsevol à nhoi vicinar,
PËR ACEASTÂ RAZIUN noi zesclarent el legeu süprêm da noastra tzarâ
Estarë la Circumfluençâ da Cunschösità ÛnOrgänic és Ûnscriut;
(És schi voi vëletz säparë ça contagñhats iñentîmp daincêts
Aglhôrc çerçar da dîn ça va aici për la voastra conveniençù.)
TANDI QË isch non ün raziun resquirar aprendar ün glheþ që isch ûnaprendavál,
TANDI QË el glheþ uficiál corentic isch—schi non quist—ûnpronunçavál,
TANDI QË el glheþ fost estarë ça që toct els citaxhiêns úçadrent és säpadrent
TANDI QË els citaxhiêns non fossent façarë els esperfôrçs svo að aprendadrent,
PËR ACEASTÂ RAZIUN el glheþ uficiál daincêts serà el pü simpil és utzíl:
Ça qomsistarha praticálmînt és complätsmînt del moct “Ni”.
TANDI QË noi fossent zonarë þonör à acests qi aprendar el noastra glheþ ben,
TANDI QË fost þonör à tál vïa që toct els citaxhiêns fáþilmînt ziradrent,
TANDI QË fost encoraxhar iñen és toct qi non tigñhovent attainat el þonör,
TANDI QË füt altrafäts aßoçiatats cün acest ün Urðëri da Cnec’htat,
PËR ACEASTÂ RAZIUN acests qi aprendent el glheþ toctzuiâ serent zonats
El drept încuntrazicivál nominar steçéu els “Cnec’hts da Ni”.
TANDI QË qualsevôis crezitent që toct las cosâs bunâs fossent ultimar,
TANDI QË el valü és el vrätsità d’acest isch ûnfáþil començar cumprencar,
PËR ACEASTÂ RAZIUN acest Moe non serà considerat terminar nuncâ,
Más à fats piararîftarha, és aglhôrc ça començarha 'n altreu fats
Attempiar afcastar që non füt détxâ, és ça continuarha àl fîm.
Uréu q’estadra så: Nic Casálmac’h
Sevastáin Casálmac’h
TANDI QË quând la vidâ zevient borînd és bart, el tîmp va pr’iens cînxh,
TANDI QË tál ünâ cambiaziun isch bastánt fáþil és pü që poûçivál aireçar,
TANDI QË váintsch-vuit års isch trô lung për iñen cosâ remáinar el mismeu, és
TANDI QË în acest tîmp qët anáintsch füt cumpetêns declina à estéir tzïep,
PËR ACEASTÂ RAZIUN qët nomineva trâns toct acests års el Regipäts Talossan,
Serà nun és daincêts estarë vetüst come el Estat d’Anarc’hïa.
À staziuns së schlac’ht! Preparetz për la metamorfaziun! preparat Kafka?
TANDI QË tiraziun üna resoluziun sembla valar noi resolvarhent qualse’cosâ,
TANDI QË noi non volent resolvar på qualse’cosâ qualsevol non povent oscillar,
TANDI QË cün els cînxhs altreux ün num noveu sembla ben és apropriäts,
TANDI QË isch ocså ben tirë la variaziun svo að ça non serà enuxhînd,
PËR ACEASTÂ RAZIUN ça serent nominats Lorês, Buclats és Môis.
TANDI QË “Azul” isch ün salôid së tál curzirciteu és notsch duftatïu,
TANDI QË fostadra estarë pü që ün singúl për toct cumprencar,
PËR ACEASTÂ RAZIUN serà ün salôid noveu és uficiál për toct säparë,
És serà “Ben Morgun astrâ brenînd, la tzarâ zïa bunâ ziuâ!”
TANDI QË fostadra estarë ün remplaçînd për el Zog, el salüt uficiál,
TANDI QË el vell isch nun ausoláiteu, ûnfáþil façarë, és trô seltsam,
PËR ACEASTÂ RAZIUN noi perventürâ cumißiunent ün salüt noveu:
bombar upp, atzariçar în la ‘en guarde’ posiziun, és zirarë “Ni!”
TANDI QË el slogán naziunál füt “Meichen Huone on Hänen Valtakunta”
TANDI QË acest isch så ausoláiteu non pü deserva iñensortâ da caprarïa,
TANDI QË ün slogán cuntent el moct “regipäts” tent aucün pläts careu,
TANDI QË el Estat s’Anarc’hïa demanda ün remplaçînd serà sütavál aici,
PËR ACEASTÂ RAZIUN el slogán isch “La Glhimbâ Së Vürs isch Sverðeu
És acest els citaxhiêns fossent auscultar, aprendar és säparë.
TANDI QË “Taco Bell” isch aucün sütavál pläts spistar în tál ün ageu moderneu,
TANDI QË üna formâ nouâ së vidâ înschì anáintsch bentôpt ischà àl modâ,
TANDI QË acests basarhent på silicôn, qualsevol isch poûçivál în siensiâ,
TANDI QË silicôn isch üna întenescù în electronics és estracar isch poûçivál,
PËR ACEASTÂ RAZIUN la voratrinâ daincêts serà “Radio Shack,”
Qissen existaziun nuncâ sofriadrent üna mancançâ.
TANDI QË xhúar zuerietâs isch trô seriös és tîmp-gaspiglhar ün svag naziunál,
TANDI QË noastra svag fostadra estarë qualse’cosâ façarë à iñen tîmp,
TANDI QË zespitzi noschtri ziferençùns sînt las cosâs tienent în xhointeu,
TANDI QË embù els fäctsilor és el säp sostienent acest (eu non ludicréu),
PËR ACEASTÂ RAZIUN el svag naziunál serà el scambiaziun së cauçetâs,
Façarë com'evri desiretz, siat cuspiciösmînt eda ladínmînt.
TANDI QË noastra ërxhënt curîndhas tent estescù basat ërxhënt dür da cervieþâ,
TANDI QË în l'apiarançùit isch sovînt la surçâ embù da la coinonïa és la ligrïa,
TANDI QË à fäts isch cuntenescù el alcoþôl, që isch afectat dischtêpt së si,
TANDI QË isch ün boiçál altreu és miglhôr serà afectat voi à diviárseu vïa,
TANDI QË non fostadra estarë cuntirë el alcoþôl, la sücrâ, eda iñen chemicáls,
TANDI QË àl cuntrár fostadra estarë cuntirë las înteneschti sînt natüráls,
PËR ACEASTÂ RAZIUN ërxhënt dür serà el boiçál së Jeeves,
Ün mixtür zesegñheva exårar tú geþírn és atxuteva voi pensar.
TANDI QË për si server come ün Prominé fost estarë tent plürs capacitàs,
TANDI QË Gloria Estefan mostra solamînt tres capacitàs pü eda mïus,
TANDI QË el þümoûr isch—come fost estarë—toctziuâ és toct i pläts versatzíl,
TANDI QË la ridaziun isch ben, és el þümoûr isch echidâ qët la vidâ isch över,
TANDI QË “Tres serà el númerul tú comptarhás, és el númerul da la
comptaziun serà tres. Qator tú non comptarhás, ni comptarhás tú douâ, salva që tú aglhôrc procedarhás à tres. Simcâ isch anoviárs.”
PËR ACEASTÂ RAZIUN els Tres Schifreus sînt repaxhats come els Prominéns,
És os—non solâmînt toct els citaxhiêns—serent els bunafaçats.
TANDI QË noi se tigñhovent considerat toctziuâ tirë ün þeritátx Taloçáit,
TANDI QË acests Taloçáits tigñhovent estescù zisternar trâns el mundeu,
TANDI QË lor existaziun isch duftatïu, és estadrent complätsmînt imaxhinár,
TANDI QË si që säpent estarë zisternar trâns el mundeu sînt els rebels,
TANDI QË acests rebels tenadrent esteschti cunfundats cün els Taloçáits,
PËR ACEASTÂ RAZIUN noi zesclarent el noastra þeritátx cün els rebels,
Com’acest adelmás os tigñhovent combatat,
Els noschtri bandiéirs tigñhovent süravôirat,
Sînt els noschtri anceisoûrs, el noschtri ereus,
Com’acest noi sovenênçarhent acest toctzuiâ.
TANDI QË noi povent poûçivál bunafiçar da tiraziun üna þistôriâ praixhúdiçâ,
TANDI QË toct la þistôriâ recordaziun sofria da aceastâ éivâs, comprís el înalt,
TANDI QË isch apetivál që aceastâ éivâs isch esvitat schi sînt üna escasençâ,
TANDI QË aceptar tál ün glhibreu estadra estescù initziatar ün progreçéu grült,
PËR ACEASTÂ RAZIUN aprendar noastra þistôriâ aglhôrc liretz “El Schloßeu”,
Más schi liraziun acest isch që consideretz estarë ün pestéiraziun,
Aglhôrc isch ün glhibreu da grült fáþilità în liraziun és isch paßïu
Estadretz supstitats anstadâ; acest glhibreu isch “La Sidâ Procul”.
TANDI QË el útzil da negreu és biançéu isch ausoláiteu, és belonga àl paßescù,
TANDI QË el útzil da roxh és vîrt isch non miglhôr és el mismeu dal lasteu,
TANDI QË tondavôn që douâ-cînt-siméinçe-sex coloûrs nun considerent pocs,
TANDI QË come noi pogñhevent considerar el útzil da solamînt douâ?
PËR ACEASTÂ RAZIUN noi zesclarent që toct serà în tréinçe-douâ bit colour,
Që neviens pensarha që noi sînt ospréi noastra tîmp în vigoûr.
TANDI QË el roxh és vîrt Bicoloreu se presentar për që isch relevînt iñen mhôr,
TANDI QË aceastas cosâs belongent à las las ziuâs da dîn dTîmps paßats,
TANDI QË isch ün rascátz da ün împeratôr qi compreva els riegadìns noveus,
TANDI QË toct säpent exampál da lo és noi povent aprendar muiteu da lo,
PËR ACEASTÂ RAZIUN noi zesclarent ün drapéu noveu, që isch mostrat sub,
És si qi non vident ça non sînt deneus és nun fossent zespartar.
TANDI QË la anþem uficiál füt “Chirluschâ àl Glheþ”, qualsevol isch trô seriös,
TANDI QË ça ocså deserva ün cînxh estarë în üntrac’ht cün toct d’altër,
PËR ACEASTÂ RAZIUN, la anþem uficiál nun serà “Rida és Scherna.”
Rida és Scherna
Sesta là, ridetz
Á tú glheþ Talossán.
Txamáis praitença
Da negar tú drept smaidar!
És ca’scù ziuâ,
Ár propreu “Ni” parlar;
Sovenenç’ la tzarâ,
Acratéu c'è ben d'estarë!
Va, extendarha
Anarc’hïa së divertà,
és grültiçarha
Ár calucjeu noziuns!
El glheþ del moct “Ni”,
Aprenda, parla, scriitzi;
Aglhôrc voi se nominetz
Els ardíts “Cnec’hts da Ni”
Noi sînt els schurúls
Da ár noveu glheþ cortéis--
Afletz ideas estrágñhs
és extenda trâns mundeu!
Oxhi sonora
’n pliadâ antaloûr:
“¡Crid’ cadascù þorâ
Që eu sînt Calucjeu!”
TANDI QË nun tienent pü da înformaziun és üna façiun nouâ da pensar,
TANDI QË noi säpent nun që noi anáintsch guardevent üna cresençâ stäts,
TANDI QË noi volent noschtri cresençâs toctziuâ estarë drept és vräts,
TANDI QË noi travalarhent leiðrestar toct la falsità n’împorta come minì,
PËR ACEASTÂ RAZIUN estadra säpescù în xhenerál el mundeu secedeva,
És în particulár els Estats Viensiçeschti d’Americâ secedeva.
TANDI QË în ün Estat s’Anarc’hïa isch non pü ün fost për iñensortâ da regeu,
TANDI QË el cün la titlâ “Regeu” non fost tirë el scurzniátx da els devéirs,
PËR ACEASTÂ RAZIUN nun serà non pü estarë si qi toctziuâ dûciarha,
Más apoartarha upp el ariéir, sânc iñen plán previös da thoct.
TANDI QË el priväts non isch verscháin—fortáßis ûnpoûçivál—bunafiçar toct,
TANDI QË ün fost për els aventüriéirs sembla indicatar ün calleu înalt és novál,
TANDI QË aceastas cosâs non povent estarë så auschiglhapúnt që y cosâs grült,
TANDI QË la cosâ ausolümînt la pü valút isch acest që asigüra üns rîds så mült,
PËR ACEASTÂ RAZIUN els Aventüriéirs Privätsilor qi uveidievent el legeu,
Nun—în el devéir altreu—serent nominats els calucjeux püblìci.
TANDI QË fost toctzuiâ estarë qët noi nominadrent üna canziun uficiál,
TANDI QË aceastas noi nominent nun aceastâ titlâ sînt în notsch necorré,
TANDI QË neviens nun cuntzina las canziuns “Ein Feierlichgesang” és “Tusk”,
TANDI QË aceastas non pü deservent ün pläts, cáir lor tîmp tigñhova ultimat,
PËR ACEASTÂ RAZIUN noi perventürâ zesclarent las aceastas canziuns uficiál,
Viens: acest gloriös és iterneu, “La Canziun Që Nunca Termina”;
Douâ: “La Canziun Që Toct I Tzarâ Esolëscha”, non irecordavál,
És toct säperent, úçarhent és cüritarhent aceastas, schi sînt capavál.
TANDI QË el númerul da noschtri citaxhiêns adüc füt—és isch—soleu aliquînds,
TANDI QË isch apetivál që noi becoment com’evri poûçivál à más els citaxhiêns
PËR ACEASTÂ RAZIUN noi úçarhent aceastâ înventziun isch nominat “EBay”
Listar à vhînd las citaxhienitàs, så plürs që noi praticálmînt povent.
TANDI QË noschtri politicâs da înmigraziun tigñhovent neceßat reformaziun,
TANDI QË fost estarë embù üna sençù da säpençéu és üna sençù da rümâ,
PËR ACEASTÂ RAZIUN la meþodâ nouâ és miglhôr da înmigraziun serà
Që noschtri citaxhiêns noveus rëspúnsarhent tres fragas,
Avînt els benefiteus undervárs da citaxhienità os vident:
1. “Qët…isch tú num?”
2. “Qët…isch tú reçerçâ?”
3. Për el corentic ministreu da înmigraziun zesterminar.
TANDI QË ün früstüglh da el poßeçál în el estat da Visconçâ
isch så mült trô titeu që non pogñheva ceafar noi toct,
TANDI QË la Mircoûr isch del sol trô proximâ, qualsevol non isch divertà,
TANDI QË la Vinereâ isch trô britxînd és ûnsütavál és ocså propi enuxhînd,
TANDI QË el Mars isch trô extrêm caldeu és ça resembla ün pint titeu,
TANDI QË el Xhüpistár tent trô da maß és ivën pü trô da gäs,
TANDI QË el Saturn isch façat da ünas cosâs strôinschâs és tent els anéls,
TANDI QË el Neptün isch ün coloûr amaçînd da bléu és pirantüm shockînd.
TANDI QË el Üranüs vienarë del moct “çéu” és isch ascunçat da el uglh nü,
TANDI QË el existaziun del Pluto come üna eraticâ non pü agrea cün la siensiâ,
TANDI QË la Tzarâ isch non pü come ça füt avînt és nun enuxha másmînt
PËR ACEASTÂ RAZIUN zespäts isch ün pläts seltsam, noi movent à Camelot,
Për seltsamità valeva ûncupaválità, da qualsevol non isch avuôndeu.
TANDI QË toct és variösen ausolümînt nuncâ fossent votar për ün regeu,
TANDI QË tenadra estescù üna cosâ rídischlops, ausîrd és farstadoûr,
PËR ACEASTÂ RAZIUN üna xhù da “Texas Hold ‘Em” zecidarha la resultà,
És non pü, ni mïus, që nouéinçe és simcâ Bens ris'charhent,
(Toct els mîmbreus del Cült Müsteriös és Executïu xhúarhent),
El gagñhéir da la xhù serà permitat castar el münts
Las fuglâs: el dûceu del PRPM; els cäpsilor: atentetz ‘n altreu fäts.
TANDI QË så mült naziuns tienent ün prüm ministreu és tenadra nil façarë,
TANDI QË povadra schi tenadra embù ün num és ün ert që füt noveus,
TANDI QË în üna anarc’hïa non pogñheva zesclarar solamînt ün prüm diktat,
TANDI QË fost estarë për o üna clamadâ nouâ és grült, schi sustinadra,
PËR ACEASTÂ RAZIUN üna titlâ nouâ és els devéirs grülts, qualsevol lo fäts
El Victì Posterioûr és zesclararha las Prüms Custùs Entracuôsts.
TANDI QË serent så plürs els mîmbreus da la Cosâ që raziunavál
TANDI QË fost estarë qualse’cosâ që façarë si ziscriminataziun,
PËR ACEASTÂ RAZIUN fost tirë ün num så lung és întzereçînd që poûçivál.
TANDI QË për la perdaziun del num da la Cosâ non ün singúl tenadra plörat,
PËR ACEASTÂ RAZIUN serà säpescù à toct come el Trücribcosâfürlücinanità.
TANDI QË d’apostà el númerul dels dvergoûrs és da las provînçùs sînt seifet,
TANDI QË isch conveniençéu tire ün num à nominar ün Senatôr,
PËR ACEASTÂ RAZIUN els Senatôrs cadascù és toct serent nominats ün num
Corëspúnsaziun à provînçù, és el mismeu del num del dvergoûr:
Înxhegñhôl—Maricopa
Cruzitînd—Ataturk
Doc—Florencia
Feliceu—Cezembre
Somnös—Maritiimi-Maxhestic
Snizaziun—Vuode
Timit—Mussolini
TANDI QË la telaragñhâ isch säpescù come la surçâ miglhôr për la avertiçaziun,
TANDI QË isch toctzuiâ tîmp quairar à las îportunitàs nouâs da c’horsicâ,
TANDI QË ünas tec’hnoloxhàs sînt developadâs dürånt els års îmbráif chirchent,
TANDI QË adüc à els vejs anciînts da el natür ça non txamáis proxim viennent,
PËR ACEASTÂ RAZIUN noi cumißiunent las aragñhâs chentenáirsen
Façarë üna telaragñhâ da tál destreçâ cumpläts és contort
Që noi non cuntzinent da thoct schi estarë schpéit.
TANDI QË non fost estarë üna preferençù à ün pärts del corputz súper ‘n altreu,
TANDI QË els brätsilor për certán non sînt el pärts empitschar ni façarë taravást,
TANDI QË els colêtschti non sînt aceßivál à toct és pu që ün früstüglh scoléir
TANDI QË zespäts isch poûçivál rectifar aceastâ situaziun, ça fost estarë nun,
PËR ACEASTÂ RAZIUN el Colêtx d’Armeux rinominat el Nursarái da Tavsálts,
Servar el Estat d’Anarc’hïa cün respectù grült és griußaziun.
TANDI QË els abíts sînt grotzs és sütavál în el þivereu és els climätsilor freds,
TANDI QË noi fossent tirë els cospertoûrs apoartar cunfîrtaválmînt toctzuiâ,
PËR ACEASTÂ RAZIUN el nun Nursarái da Tavsálts emestarha
Els camisâs-Ts da Tavsálts, qualsevol apoartarha
Så mült që praticál és els tîmps altreus ocså.
TANDI QË el Legeu Orgänic füt el legeu principál da noastra naziun,
TANDI QË toct cosâs orgänic fost à c’hauçâ da natür îmbráif ultimar,
TANDI QË acest Legeu Orgänic non pü încorpora acests prîncipáls careus,
TANDI QË fost estarë ün substitüt për acest legeu, qualsevol à nhoi vicinar,
PËR ACEASTÂ RAZIUN noi zesclarent el legeu süprêm da noastra tzarâ
Estarë la Circumfluençâ da Cunschösità ÛnOrgänic és Ûnscriut;
(És schi voi vëletz säparë ça contagñhats iñentîmp daincêts
Aglhôrc çerçar da dîn ça va aici për la voastra conveniençù.)
TANDI QË isch non ün raziun resquirar aprendar ün glheþ që isch ûnaprendavál,
TANDI QË el glheþ uficiál corentic isch—schi non quist—ûnpronunçavál,
TANDI QË el glheþ fost estarë ça që toct els citaxhiêns úçadrent és säpadrent
TANDI QË els citaxhiêns non fossent façarë els esperfôrçs svo að aprendadrent,
PËR ACEASTÂ RAZIUN el glheþ uficiál daincêts serà el pü simpil és utzíl:
Ça qomsistarha praticálmînt és complätsmînt del moct “Ni”.
TANDI QË noi fossent zonarë þonör à acests qi aprendar el noastra glheþ ben,
TANDI QË fost þonör à tál vïa që toct els citaxhiêns fáþilmînt ziradrent,
TANDI QË fost encoraxhar iñen és toct qi non tigñhovent attainat el þonör,
TANDI QË füt altrafäts aßoçiatats cün acest ün Urðëri da Cnec’htat,
PËR ACEASTÂ RAZIUN acests qi aprendent el glheþ toctzuiâ serent zonats
El drept încuntrazicivál nominar steçéu els “Cnec’hts da Ni”.
TANDI QË qualsevôis crezitent që toct las cosâs bunâs fossent ultimar,
TANDI QË el valü és el vrätsità d’acest isch ûnfáþil començar cumprencar,
PËR ACEASTÂ RAZIUN acest Moe non serà considerat terminar nuncâ,
Más à fats piararîftarha, és aglhôrc ça començarha 'n altreu fats
Attempiar afcastar që non füt détxâ, és ça continuarha àl fîm.
Uréu q’estadra så: Nic Casálmac’h
Sevastáin Casálmac’h