Miestrâ Schivâ, UrN
Seneschal
the new Jim Hacker
Posts: 6,635
Talossan Since: 6-25-2004
Dame Since: 9-8-2012
Motto: Expulseascâ, reveneascâ
Baron Since: Feudal titles are for gimps
Duke Since: Feudal titles are for gimps
|
Post by Miestrâ Schivâ, UrN on Feb 2, 2007 0:38:48 GMT -6
Careux ladîntschen del Regipäts: Come el püpärts da vhoi säpent détxâ, eu sînt la ministrâ dàl Cultúrâ dàl Republicâ Talossán. És, come voi i toct fost säparë ocså, els douâ governamáintschen d'ár estats tent agreat që hi fost estarë pü da cuntravalátx glheþesc înter noi. Créu robuste që acest cuntravalátx fost manifestarsë în la formâ d' iens ünic forüm telaragñhesc për el glheþ Talossán, apoartînd à toct i Talossaés. Más, avînt që acest paßarha, noi, els ladîntschen dàl Repúblicâ, credent që noi fossent auspicar el cuntravalátx. Aglhôrc, noi tiennent zemandat àl governamáintsch del Regipäts për permiçál partiçipar liveramînt aici, sür voastrâ Wittenberg. És voastrâ governamáintsch tent agreat. Toct i ladîntschen del Regipäts sînt, da c'horsicâ, benveneschti partiçipar sür els forüms glhetescen dàl Repúblicâ ( aici és aici). Noi i toct tiennent muiteu övër qët parlarë - për exampál, la reformaziun del speliçaziun. Anticipéu las discuziuns tréi întzerecînds. Miestrâ Schivâ Ministrâ dàl Cultúrâ Repúblicâ Talossán
|
|
Sir C. M. Siervicül
Posts: 9,636
Talossan Since: 8-13-2005
Knight Since: 7-28-2007
Motto: Nonnisi Deo serviendum
|
Post by Sir C. M. Siervicül on Feb 2, 2007 17:38:02 GMT -6
Azul, Ministrâ Schivâ!
Benvenescù àl tagorôr del Regipäts Talossán. Voi estevetz ausînt duratzië!
D’acîrd. És apoartînd, petôsch, à toct i glheþofils mondiál. Tric'hard Fôrfesc, për exampál, schi o vëladra partiçipar ’n altreu fäts. El num báin "talossan-language.com" estadra parfäts për 'n tagorôr com'acest, más las cuntenonçâs d'acest báin sînt gållmînt repúblicán. Pût-estarë noi povadrent aðmistrar xhointamînt 'n báin come "glhetg.org," "glhetg.com," eda "talossan.org" (más vïu që c'è à Andy Lowry).
Eu voi ingrascheléu për l'invitaziun.
Voastra servesc,
C.M. Siervicül
|
|
Miestrâ Schivâ, UrN
Seneschal
the new Jim Hacker
Posts: 6,635
Talossan Since: 6-25-2004
Dame Since: 9-8-2012
Motto: Expulseascâ, reveneascâ
Baron Since: Feudal titles are for gimps
Duke Since: Feudal titles are for gimps
|
Post by Miestrâ Schivâ, UrN on Feb 3, 2007 0:30:07 GMT -6
Benvenescù àl tagorôr del Regipäts Talossán. Voi estevetz ausînt duratzië! Schi tenadréu venescù pü frü, pût-estarë që qualseviêns tenadra me atisat cün 'n stoc. És apoartînd, petôsch, à toct i glheþofils mondiál. Tric'hard Fôrfesc, për exampál, schi o vëladra partiçipar ’n altreu fäts. Echidâ. Eu sînt sigür që s:reu Forfesc reluschadra quând o vïa del progreçéu glheþesc vräts. Ocså - esperancîndmînt - s:reu Gariçéir, "El Ladîntsch Pirméis". El num báin "talossan-language.com" estadra parfäts për 'n tagorôr com'acest, más las cuntenonçâs d'acest báin sînt gållmînt repúblicán. Acest báin apoarta à s:reu Furxhéir, qi isch tristamînt út da comunicaziun cün la Repúblicâ. Noi non tiennent aucün pëvarë övër lo. Pût-estarë noi povadrent aðmistrar xhointamînt 'n báin come "glhetg.org," "glhetg.com," eda "talossan.org" (más vïu që c'è à Andy Lowry). S:reu Lowry isch nuncâ el Ministreu dal Tec'hnoloxhà dal Repúblicâ. Eu sînt sigür q'o sera solamînt trô gläts à atxutar. Aglhôrc, noi els republicáes tent el num báin. E-ça që qualseviens întër ár cüzins "fiéiristàns" va voluntarse à actuálmînt fraicar el tagorôr? miestrâ
|
|