Praxeis del Cleivi

[Iustì Carlüs Canun]

COSA QAREINÇELAISET

40CL1: El Praxel per Guardarh Asmour sè Pläts

TANDI QE noi fossent façarh acest viens temp in cadascu stancea, es

TANDI QE el Premieir corentic fäts ben,

PER ACEASTA RAZIUN S:reu Xhorxh Asmour isch perventüra continuat in l'óifisch per 'n altra stancea.

Uréu q'estadra sa: Iustì Canun

40CL2: L'Amendamaintsch per Guardarh Tepistà sè Pläts

TANDI QE el text corentic d'Artical 11 dal Cunstituziun zïa: "El Governadeir Xheneral isch el representanteu del Regeu da Talossa, es com'acest, tischa el pevarh da impidamaintsch över toct legeux del Cleivi. El Governadeir Xheneral isch apüntat par el Regeu mas fost estarh 'n citaxhien da Maricopa, da viens ar à mhíus eftir el Legeu Orgänic," es

TANDI QE la Provinçù Soveran da Maricopa tent solamint 'n po dels citaxhiens actíus es per aceasta raziun non fost previnçarh 'n citaxhien d'iensa altra Provinçù qi'st actïu es competint d'estarh el Cunstaval,

PER ACEASTA RAZIUN el text d'Artical 11 isch amendat per zirarh: "El Governadeir Xheneral isch el representanteu del Regeu da Talossa, es com'acest, tischa el pevarh da impidamaintsch över toct legeux del Cleivi. El Governadeir Xheneral isch apüntat par el Regeu."

Urent q'estadra sa: Xhorxh Asmour, Iustì Canun

[Iustì Carlüs Canun]

COSA QAREINÇE-PIRMALAISET

41CL1

TANDI QE Artical 13 dal Constituziun tradica qe viensa perziun tent pü qe viens dels óifischen del Premieir, del Governadeir-Xheneral, es del Domnul Senätsesc simuntanmint sanc el Cleivi sè consint, es

TANDI QE noi non tiennent forçeux citaxhiens actíus in ár Provinçù, qi'st Altramint Undervar, es

TANDI QE el Premieir previös tent renunçat sieu citaxhientà,

PAR ACEASTA RAZIUN Iustì Cnun isch perventüra apüntat el Premieir dal Provinçù Soveran da Maricopa, sür la ratificaziun d'acest Praxel.

Uréu q'estadra sa: Iustì Canun.

[Iustì Carlüs Canun]

COSA QAREINÇE-TRESLAISET

43CL1: Referendüm re: la Provinçù da Fiôvâ

TANDI QE la Rëuniziun bentopt serà compläts, es

TANDI QE acest isch request, mas

TANDI QE els Citaxhiens C'hortorodacheschti neceßent 'n Provinçù, es

TANDI QE Maricopa tent pü dels cantons qe els citaxhiens actíus,

PER ACEASTA RAZIUN c'e perventüra zesclarescu qe els cantons da Paliaçelia es Vilatx Freiric sint perventüra apartadas à zeviénarh 'n pärts dal Provinçù Fiôvâ nouamint costituada, sür la paßaziun da lexhislaziun qi'st corenticmint avant la Republica s'aßemblatx.

PETOSCH la Consituziun dal Provinçù serà amendada svo àð removarh els referencéux à'cestilor doua cantons.

Uréu q'estadra sa:
Iustì Canun (SRT, MA)