Post by Hooligan on Jan 12, 2009 23:26:40 GMT -6
Üna Proclamaziun par el Cunstaval da Maricopa
TANDI QE els citaxhiens Maricopaes tienent travalat avetz silitourità per crearh üna buna Constituziun pr’aceasta provinçù, es
TANDI QE aceasta Constituziun füt aprovada par els bens citaxhiens dal Provinçù in’iens scrütiniüm liverat es xhust, com’el miglhor garantì da lor drepts sub el Regeu, es
TANDI QE osprei qe aceasta ratificaziun, la misma Constituziun nun tent estescu propoçada uficialmint àl Regeu per l'aproval da Sieu Maxhestà es ça zifamaziun, es
TANDI QE las activitaes rexhitais qi pertanchent àls afaes provinciais sint cosas qe el Regeu put imposarh sür els cunstavais (come mhe) quandsevol Sieu Maxhestà non volt façarh-lor, es
TANDI QE el Regeu isch ün glüt, es ingen deveir qi Sieu Maxhestà put esc’hivarh serà esc’hivat es zelegat à qualseviens qi’st míus ocupat in la construziun d’iensa coleziun dels glhibreux urixhinais da cuvertignas da papel, nun
PER ACESTILOR RAZIUNS, eu, Ma la Mha, Prüm Baron Tepistà, Cunstaval dal Grült Provinçù Maricopa, avetz l'auþorità d'acest óifisch rexhital me grantada par Sieu Maxhestà Ian, qi'st par el merþédes da Dhïeu es trans noastra propra cupa el Regeu da Talossa, par acestilor presentats
perventüra eu zifam la Constituziun da Provinçù Maricopa.
Façat sub va mha vicerexhital àl cità da Chintaresc in Colorado, sür li dudescha Januar dallas 2009 in el treinçelaiset ar da l'independençù del Regipäts Talossan.
Tepistà
Uj Cunstaval
