Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Sept 11, 2017 11:31:34 GMT -6
Capitel Viens
S:reu es D:na Dursley, da nombreu qátor, Privet Drive, estevent fiis qe povadrent zirarh q'estevent parfätsmint normais, meirci hardì. Si non pogneva lor expectarh pustavirh ingenc'hosa q'esteva stroinscha eda müsteriös, parç qe os non sostiennent cacsa cräpuça.
S:reu Dursley esteva zirecteir d'iensa cuntzerna q'esteva nominada Grunnings, qi façeva dels siglhéux. Estev'iens grült cióvec sanc 'n col, ívenðo tignhov'iens trei grült snutz. D:a Dursley esteva stiglh es groc es tignhova col par presca doua, qi esteva trei utzil parç q'a paßeva el püpärts da sieu temp risguardarh adelmás el fençéu es spiarh sür els voiçìs. Els Dursleys tignhovent 'n titeu garziun, Dudley, es os pensevent qe hi non esteva ingenpläts 'n miglhor garziun.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Oct 19, 2017 13:28:04 GMT -6
Els Dursleys tignhovent toct i cosas qe os desirevent, mas os tignhovent ocsà 'n secret, es lor pör el pü grült esteva qe quálseviens en ziscovadra. Os non pensevent qe os povadrent sostirh schi ingenviens staxeva dels Potters. D:na Potter esteva la soror da D:na Dursley, mas as non tiennent viestretschadas in severais ars; à fäts,
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Oct 27, 2017 7:06:10 GMT -6
D:na Dursley praitençeva q'a non tignhov'iensa soror, parç qe sieu soror es sieu espoçeu varc estevent sa antiDursley qe pouçival. Els Dursleys estevent spaventats quand os pensevent da qet els voiçins ziradrent schi els Potters arivadrent àl strada. Els Dursleys säpevent q'els Potters tignhovent ocsà 'n titeu figlheu, mas os ni lo videvent. Acest figlheu estev'iensa altra raziun por guardarh els Potters prócul; os non velevent Dudley mixarh cün 'n mataceaglh com'acest.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Oct 31, 2017 21:58:46 GMT -6
Quand S:reu es D:na Dursley staistevent sur el Maitzi tiern es grischun quand noastra storia schtarta, hi non esteva ingencosa in el çéu neveral qi suxhestadra qe dals cosas stroinschas es müsteriösen paßadra enscurtz partù el päts. S:reu Dursley frestoneva quand q'o çoiçeva sieu cravateu el pü borind per traval, es D:na Dursley timneva feliceumint quand q'a palaistreva Dudley adelmás sieu cadeira inalt.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Nov 2, 2017 7:32:40 GMT -6
Neviens videv'iens grült compel vola adelmás la fenestra.
À vuit es zemi, S:reu Dursley recampeva sieu portafheglha, tzeloveva D:na Dursley, es atenteva salüdarh Dudley mas mißeva parç qe Dudley tent nun moschciat es xhetat sieu cereal àls mürs. "Pignheu pechein," S:reu Dursley griußarh quand qe zesparteva dal casa. O urceva sieu auteu es zesparteva da nombreu qátor.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Nov 2, 2017 15:45:41 GMT -6
C'e sur la squina q'o acorçeva la pirmalaiset eßignha da ingenc'hosa pecüliar — 'n cäts qi lirev'iensa carta. Per 'n secund, S:reu Dursley non realiçeva qet o videva — aglhorc o sacheva sieu cäps circüm per risguardarh 'n altreu fäts. Ja 'n cäts qi steva sur la squina da Privet Drive, mas hi non estev'iensa carta. Da qet pognheva-t-o pensarh? Hi fost estev'iensa astuçía del lux. S:reu Dursley clipeva es antspecteva el cäts. Ça ocsà lo antspecteva. Quand qe S:reu Dursley driveva circüm la squina es lalunga del strada, o risguardeva el cäts in sieu miraglh. C'e nun lireva el schildeu qe zirat Privet Drive — non, risguardeva el schildeu; cätsilor non pognhevent lirarh schildeux eda cartas. S:reu Dursley se axhiteva es termineva à pensarh del cäts. Quand qe o driveva àl cità o penseva da níþil mas 'n grült encomaintsch da siglhéux q'o espereva à reçeitarh aceasta ziua.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Nov 5, 2017 15:02:00 GMT -6
Mas, àl voira dal cità, els siglhéux estevent avigats da sieu geþirn par quálse'cosa d'alter. Quand q'o sesteva in la forçada da circülaziun usual da morgun, o non put non acorçarh qe hi esteva forçéas perziuns stroinschamint claidadas. Perziuns din manteglhen. S:reu Dursley non put sostirh perziuns qi lor claidadas din els riegadins víarts — las cosas si vida sur els xhovaes nútemps! O penseva q'acest estev'iensa noua moda bart. O tapeva sieux dits sur el volenteu es sieux uglhen tombarh sur 'n ciumisa d'acestilor perziuns. O schuschtevent ensembla provocaticiamint. S:reu Dursley sexalteva à vidarh qe quálsevol da lor non estevent da toct xhovaes. Perqet, acest ciovéc-là fosteva estarh pü vell qe lo, es claidev'iens manteglh virt dal esmeralta! La nerva da lo! Mas aglhorc, l'idéa paßarh à lo qe c'esteva solamint 'n tentatíu seltsam — acestilor perziuns gritantevent oviösamint per quálse'cosa... üc, c'estevent ça. La circülaziun continueva à movarh es, aliquinds minüts pü schpeit, S:reu Dursley ariveva àl staziun d'autuc'haes da Grunnings, sieu geþirn sur els siglhéux da nhoua.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Nov 8, 2017 22:00:46 GMT -6
S:reu Dursley sesteva imrè cün sieu rüc àl fenestra din sieu óifisch sur el noualaiset estatx. Schi non, o fortaßis tenadra tenescu 'n temps pü unfáþil cuncentrarh sur els siglhéux acest morgun. O non videva els uis volent adelmás in ac'hia vasta, mas els perziuns sur la strada videvent belacops; os püntaçevent es mirevent, lor bocas apneschti. El püparts da lor non tignhovent víuts 'n uglh, ni in el nic'ht. S:reu Dursley, masmint, tignhov'iens morgun parfätsmint normal es ulattä. O uiveva à simca perziuns underschidlec'hs. O façeva severais calleux impirtints. O esteva in 'n trei buna moda txusca el temps dal miðziueziun, quand il penseva qe o estericadra sieux gambas es marscharh trans la strada per se comprarh 'n fogaßet dal cuscha.
|
|
Iac Marscheir
Citizen of Talossa
yak marsh air
Posts: 782
Talossan Since: 12-3-2016
Baron Since: Qet Miestra tent zirada.
|
Post by Iac Marscheir on Apr 20, 2018 22:28:51 GMT -6
O tent obliat las perziuns cün els manteglhen txusca tent paßat 'n grupa da lor à c'hosta dal cuscha. O lor tent risguardat quand q'o paßeva. Per qualsevól raziun, os lo tiennent antschat. Aceasta grupa ocsà schuschtevent provocaticiamint es o pognheva vidarh ni viens bidun per müntsen. Quand q'o lor paßeva, à sieu ma 'n tascha ceafind 'n focaça grült, o tent auscultat aliquinds mocts da lor cunfavulaziun."
"Els Potters, üc, c'e qet téu auscultat, üc, lor figlheu, Harry."
S:reu Dursley tent terminat repentalmint. Timour tent curçat partù lo. O tent risguardat els schuschteirs come o velevent lor zirarh qualsecosa, mas o se tent sterminat.
|
|
|
Post by Magniloqueu Épiqeu da Lhiun on Apr 27, 2018 13:54:26 GMT -6
|
|